ಬಂಟ್ವಾಳ: ಧಾರಾಕಾರ ಮಳೆ; ಮನೆಯ ಮೇಲೆ ಬಿದ್ದ ಹಲಸಿನ ಮರ

ಬಂಟ್ವಾಳ: ಬಂಟ್ವಾಳ ತಾಲೂಕಿನಲ್ಲಿ ಧಾರಾಕಾರ ಮಳೆಯಿಂದ ಬಡಗಬೆಳ್ಳೂರು ಗ್ರಾಮದ ಪಲ್ಲಿಪಾಡಿ ಮೋಹಿನಿ ಎಂಬವರ ಮನೆಯ ಮೇಲೆ ಹಲಸಿನ ಮರ ಬಿದ್ದು, ಮೇಲ್ಛಾವಣಿ ಸಂಪೂರ್ಣ ಜಖಂಗೊಂಡು ಗೋಡೆಗಳಿಗೂ ತೀವ್ರ ಹಾನಿಯಾಗಿದೆ.

ಆದರೆ ಮನೆಯವರು ಅಪಾಯದಿಂದ ಪಾರಾಗಿದ್ದು, ಬೇರೆಡೆಗೆ ಸ್ಥಳಾಂತರಗೊಂಡಿದ್ದಾರೆ ಎಂದು ತಿಳಿದು ಬಂದಿದೆ.

ಮಂಗಳವಾರವೂ ದಿನವಿಡೀ ಉತ್ತಮ ಮಳೆಯಾಗಿದ್ದು, ಪಾಣೆಮಂಗಳೂರು, ಅರಳ ಗ್ರಾಮದ ಮೂಲರಪಟ್ನ, ಬಿಳಿಯೂರು ಗ್ರಾಮದ ದರ್ಕಾಸುನಲ್ಲಿ ಮನೆಗಳಿಗೆ ಹಾನಿ ಉಂಟಾಗಿದೆ ಎಂದು ತಿಳಿದು ಬಂದಿದೆ.